1.-ZERBITZUA erabiltzeko Baldintzen helburua

1.1. ATARIA erabiltzeko Baldintza hauen helburua ondokoak arautzea da: sarbidea eta erabilera, bai eta UDALAk zuzenean edota erabiltzaileak edo beste hirugarren batzuek ATARIAren bidez erabiltzailearen esku jarritako edukiak eta zerbitzuak ere.

1.2. UDALAk jakinarazten dizu, hala ere, hainbat edukik eta zerbitzuk BERARIAZKO BALDINTZAK izan ditzaketela, eta kasuaren arabera, hemen bildutako baldintza orokorrak ordezkatu edota aldatuko dituztela, aldez aurretik zuri jakinarazita. Baldintza Orokorretan adierazitako zehaztapen eta baldintzen eta Berariazko Baldintzen artean kontraesanik badago, azken tresna honetan adostutako baldintzak nagusituko dira baldintza bateraezinekiko, eta berariazko erregulaziopeko eduki eta zerbitzuekiko soilik.

1.3. UDALAK edozein unetan eta aldez aurretiko oharrik gabe, edukiak eta zerbitzuak aldatu eta baldintza berriak sartu ahal izango ditu. Mesedez, berrikus itzazu aldian behin erabiltzeko zehaztapen eta baldintzak.

1.4. Halaber, UDALAk jakinarazten dizu erakusten diren bezala ematen dituela edukiak eta zerbitzuak ATARI honen bidez.

2.- Erabiltzailea eta Onarpena

2.1. Adin nagusiko erabiltzaileak. ATARIra sartzean ERABILTZAILE bihurtzen zara. Erabiltzeko baldintza hauek eta, hala badagokio, hautaturiko eduki edo zerbitzuari aplikatuko zaizkion berariazko baldintza guztiak inongo aitzakiarik gabe ONARTZEA dakar ERABILTZAILE izateak. Nolanahi ere, ATARIaren erabilera guztietan baldintza hauek, berariazko baldintzak eta aplika litezkeen lege-oharrak eta gomendioak hertsiki bete behar dira.

2.2. Adingabeko Erabiltzaileak. ATARIra sartzeko eta hura erabiltzeko, gurasoen edota legezko ordezkarien baimena behar dute nahitaez adingabekoek. Adingabeko bat bertan sartu edo hura erabiltzen duenean, gurasoen edota legezko ordezkarien baimena duela hartzen du kontuan ATARIAk.

· ATARIAk adingabekoaren gurasoei edota legezko ordezkariei jakinarazten die adingabekoentzat debekatuta dauden edo egokiak ez diren edukiak edo zerbitzuak egon daitezkeela. ATARIAk adingabekoen gurasoei edota legezko ordezkariei gogorarazten die beren erantzukizuna kargupean dituzten adingabekoentzako eduki edo zerbitzu egokiak kontrolatzea eta erabakitzea dela.

· Era berean, ATARIAk gurasoei edota legezko ordezkariei jakinarazten die kargupean dituzten adingabekoentzako egokiak ez diren eduki eta zerbitzuetarako sarbidea blokeatu eta iragazteko aplikazio informatikoak daudela. Informazio hau beren ohiko nabigatzailean dago eskuragarri.

3.- ATARIaren Ezaugarriak

3.1. ATARIAren bidez, UDALAk on-line baliabide askotarako sarrera ahalbidetzen dio ERABILTZAILEari, ondokoetara, besteak beste:

(1) Informazio eta Prestakuntza Zerbitzuak.- ATARIAren zerbitzu hauek herritarren, komunikabideen, enpresen eta administrazioen esku era askotako informazio-edukiak jartzen ditu, sarbide erraz eta eraginkorraren bidez, Udalaren jarduerak ulerterrazagoak eta gardenagoak bihurtuta.

(2) Denda Birtualeko Zerbitzuak.- On-line egindako erosketak hobetzeko zure eskura dituzun zerbitzuak dira; adibidez, kontratazioa, dokumentuak eskuratu eta erostea, etab.

(3) Komunikazio-zerbitzu interaktiboak.- Herritar, enpresa eta gizarte zibilarekiko harremanak optimizatzeko helburua duten zerbitzuak dira, UDALAren jarduerak eta zerbitzuak osatuz.

3.2. UDALA ATARIAren erabilgarritasun eta sarbide iraunkorra bermatzen ahaleginduko da. Hala eta guztiz ere, baliteke helbide-aldaketek zein konexio berriak egiteko eta ATARIA eguneratzeko lanek etenak eragitea, irauten duten bitartean.

3.3. UDALAk aldez aurretik jakinarazi gabe eta edozein unetan ATARIAren aurkezpena, konfigurazioa eta edukiak zein zerbitzuak aldatzeko eskubidea du. Erabiltzaile gisa, onartzen duzu UDALAk edozein unetan ATARIA osatzen duen edozein zerbitzu edota eduki eten, desaktibatu edota kendu dezakeela.

4.- ERABILTZAILEAREN betebeharrak

4.1. Erabiltzaile gisa, ATARIA arduraz eta era egokian erabiliko duzu eta ATARIA legearen, moralaren, onartutako ohitura onen kontrako jardueretarako erabiltzeko, edo hirugarrenen eskubideak edo interesak urratzen dituzten edo debekatuta dauden, legez kanpoko eragina edo helburua duten jardueretarako ez erabiltzeko konpromisoa hartzen duzu. UDALAk horiek guztiek eragin lezaketen erantzukizuna ukatzen du.

4.2. Erabiltzaile gisa, aintzat hartu eta onartzen duzu ATARIA helburu pribatu eta partikularrekin erabili behar dela. Espresuki debekatuta dago enpresa-jarduera propio gisa ATARIAren edukiak edota zerbitzuak erabili edo txertatzea.

4.3. Erabiltzaile gisa, ezin dituzu aldatu edo manipulatu UDALAren edo ATARIAn txertaturiko edukien titularren, eta egon litezkeen babes-tresnen © aipamenak eta jabetza intelektual edota industrialeko eskubideak identifikatzen dituzten gainerako datuak.

5.- Berme-kentzea

5.1. UDALAk eta ATARIAk berak ere ez dute ezein kasutan ATARIAren zerbitzuen edota edukien berme inplizitua edo esplizitua ematen. Era berean, UDALAk ez ditu ondokoak bermatzen:

(1) ATARIAren eta bere eduki edota zerbitzuen eskuragarritasunak etenik gabe, une oro eta edozein lekutatik funtzionatzea.
(2) ATARIrako eta honek dituen zerbitzu edota edukietarako sarbidea etengabe eta une oro izatea.
(3) ATARIAk dituen zerbitzuen edota edukien kalitate eta interoperatibitate maila, eta kantitatea zein funtzionaltasuna.
(4) ATARIAn txertaturiko zerbitzuak edota edukiak helburu partikular edo berezi baterako egokiak izatea.
(5) Edukien edota zerbitzuen egiazkotasuna, zehaztasuna, sakontasuna, zilegitasuna, fidagarritasuna, egunerokotasuna eta erabilgarritasuna.
(6) ATARIAren bidez emandako eduki edo zerbitzuetan birusik eta beste elementu kaltegarririk ez egotea.
(7) ATARIAren edo eskaintzen dituen zerbitzuen bidez transmitituriko edo gordetako datuak baimenik gabe eskuratu edo aldatzea.

5.2. UDALAk, berariazko baldintzetan espresuki adierazten ez bada, ez du esku hartzen ATARIAren bidez edo ATARItik kanpo hirugarren alderdiek hornituriko eduki edota zerbitzuak ematean. UDALAk ez du horien zilegitasunari, zehaztasunari, egiazkotasunari, egokitasunari, kalitateari, fidagarritasunari, benetakotasunari edota erabilgarritasunari buruzko kontrolik egiten, ezta ikuskatu ere, eta, beraz, ez du horiei buruzko inolako bermerik ematen.

6.- Erantzukizuna

6.1. Erabiltzaile gisa, argi daukazu eta zure borondatez onartzen duzu ATARIAren, zerbitzuen eta edukien erabilera zeure erantzukizuna direla. Ondorioz, eta legeak erantzukizuna mugatzea debekatzen duenean izan ezik, UDALAk erabiltzailearen aurrean ez du inolako erantzukizunik onartzen, ATARIAren edota barneratuta dituen eduki edota zerbitzuetarako sarbideari eta erabilerari dagokienez. Nolanahi ere, edozein arrazoi dela medio, erantzukizun-gabetzeren bat baliogabetzat jotzearen ondorioz UDALA zerbitzuarekin edota edukiarekin lotutako kalte edo galeraren baten legezko erantzuletzat jotzen badute, erantzukizun hori erabiltzaileak zerbitzu edota eduki horren truke efektiboki ordaindutako kopurura mugatuko da.

6.2. UDALAren erantzukizun-gabetzeak ondokoetatik sortutako edozein erantzukizun barne hartzen du, mugarik gabe:

(1) ATARIAren eta bere eduki edota zerbitzuen funtzionamendua etengabe eskuragarri ez egotea.
(2) ATARIrako eta barneratuta dituen zerbitzu edota edukietarako sarbidea etetea, bertan behera uztea edo kentzea.
(3) Edukien egiazkotasun, zehaztasun, sakontasun, zilegitasun, fidagarritasun, egunerokotasun eta erabilgarritasunik eza.
(4) ATARIAren edo honek eskaintzen dituen zerbitzuen bidez gordetako edo transmitituriko datuak baimenik gabe eskuratzea edo aldatzea.
(5) Hirugarren alderdiek ATARIAren bidez edo ATARItik kanpo hornitutako edukien edota zerbitzuen zilegitasun, zehaztasun, egiazkotasun, egokitasun, kalitate, fidagarritasun, benetakotasun edota erabilgarritasunik eza. Bereziki, eta adibide gisa, ondokoek eragindako kalte-galerak:
i. Jabetza intelektual eta industrialaren eskubideak, nortasunaren eskubideak eta hirugarrenen beste edozein motatakoenak urratzea, edukiak, zerbitzuak edota produktuak transmititu, hedatu, eskura jarri, jaso, eskuratu edo hartzeko garaian.
ii. Lehia desleiala edota legez aurkako publizitatea egitea.

6.3. Erabiltzaile gisa, argi daukazu eta zure borondatez onartzen duzu zerbitzuak eta edukiak hornitzen dituen hirugarrena -UDAL edo ATARItik kanpokoa- edukiak eta zerbitzuak zure eskura jarri izanaren ondorioz gertatutako kalte-galeren erantzule soil eta bakarra dela.

6.4. UDALAk ez du bermatzen zeuk erabiltzaile gisa hiperesteken (link-ak) bidez ATARItik eskura ditzakezun hirugarrenen eduki eta zerbitzuen eskuragarritasun teknikoa, kalitatea, zehaztasun edo egiazkotasuna. UDALAk ez du horien inguruan inolako kontrolik egiten eta horien inguruko erantzukizuna ukatzen du.

7.- Jabetza Intelektuala eta Industriala

Erabiltzaile gisa aintzat hartu eta onartzen duzu ATARIAren eta eduki edota zerbitzu bakoitzaren elementuak UDALAren edo hirugarrenen jabetza intelektual eta industrialaren babespean daudela. Erabiltzaile gisa, ez dituzu kenduko ATARIAn ageri diren UDALAren edo hirugarrenen identifikazio-ikurrak (jabetza industrialarenak, intelektualarenak edo beste edozein motatakoak).

8.- Arau-hausteak Jakinarazteko Prozedura

Edukiak kopiatu egin dituztela eta ATARIko leku eskuragarri batean daudela uste baduzu, eta, beraz, jabetza intelektualaren edo beste mota bateko eskubideak urra litezkeela, UDALAren zerbitzuarekin jarri behar duzu harremanetan info@edonostia.net helbidean edo posta-helbidean, ondoko informazioa emanda:

i. Erreklamatzailearen edo, hala badagokio, haren izenean eta hura ordezkatuz jardungo duen baimendutako pertsonaren izen-abizenak, nortasun-agiria, helbidea, telefono-zenbakia edota posta elektronikoaren helbidea.

ii. Zein den balizko jarduera hori, eta bereziki, jabetza industrial edo intelektualaren eskubideak urratzen direnean, babestutako edukien eta hauen kokaleku zehatzaren deskribapen zehatz eta konkretua.

iii. Jarraian azaltzen den bezala egindako berariazko deklarazioa: (a) eskubide-urraketari buruzko informazioa zehatza eta benetakoa dela eta deklaratzailea babestutako eskubideen titular legitimoa dela, eta (b) egindako ustiapena legez kanpokoa dela eta eskubideak urratzen dituela.

9.- Datu pertsonalak

9.1. ATARIAren zerbitzu edo edukiren bat erabili edo hartarako sarbidea izateko, UDALAk, erabiltzaile zaren heinean, zure datu pertsonalak hainbat erregistro-formulariotan emateko eskatu ahal izango dizu. Datu pertsonal horiek UDALAk datu pertsonalak babesteko politikan argitaratutako baldintzen arabera erabiltzen ditu. ATARIko formulario hauek bete eta bidaltzean, erabiltzaile gisa UDALAri espresuki BAIMENA EMATEN diozu eskatutako datu pertsonalak -kasuan kasuko egoeran- bildu, automatikoki tratatu eta emateko, aipaturiko Datu pertsonalak babesteko politikan zehaztutako baldintzapean eta bertan ageri diren helburuekin.

9.2. UDALAk derrigor bete behar dituen segurtasunerako antolamendu eta teknika neurriak hartu ditu eta hartu egingo ditu, indarreko legerian ezarritakoaren arabera. Hala eta guztiz ere, erabiltzaile gisa, adierazi eta onartzen duzu Interneten babes-neurriak ez direla menderaezinak, eta, beraz, UDALAk ezin duela bermatu ATARIA segurtasun osoz erabiltzea.

10.- Iraupena eta Amaiera

ATARIAren zerbitzu-emateak eta berak hornitutako zerbitzu, eduki eta produktuenak iraupen mugagabea dute. Hala eta guztiz ere, UDALAk edozein unetan bere kabuz eta bere borondatez soilik bukatutzat eman edo bertan behera utzi ahal izango du ATARIAren zerbitzu-ematea, bai eta edozein eduki, produktu eta zerbitzuena ere.

11.- Lege aplikagarria eta Jurisdikzioa

Erabilera Baldintza Orokor hauek indarreko lege espainiarrak arautzen ditu. Erabilera-baldintza orokor hauek barne hartutako ATARIAren zerbitzu-ematearen, edukien eta zerbitzuen ondoriozko edozein eztabaida argitzeko, erabiltzaile gisa Donostiako Epaitegi eta Auzitegipean jartzen zara zu, UDALA bera bezala, eta legokizukeen beste edozein foruri espresuki uko egiten diozu.